الدنيا حلوه
الاثنين، يونيو ٢٦، ٢٠٠٦
مرشحين ولاكن ..
اليوم شفت شغله جد جد نرفزتني
وانا راده الساعه تقريبا 12 الظهر كالعاده لازم أقاسي عشان اشوف دربي مع اعلانات المرشحين اللي بطوا جبدنا فيها
وبما انه اليوم كان الهوى شويه حبتين
وفي مرشحين بس اللي يهمهم يعلقون لوحاتهم بالطقاق مثبته مو مثبته
ماقلنا شي الله الحافظ
بس اللي يبط الجبببببببببببددددددددددددددددد استخفافهم بالايات القرآنيه
يعني يحط لافتات ورى بعض جنه يقول للعالم ترى انتوا عميان شوفوا لوحاتي
وكلها آيات قرآنيه
ونصها مشلعها الهوى والسيارات أدوس عليها
لي متى الاستخفاف ؟
وين البلديه ؟
بالنهايه اذا نشالت شدعوى بيدري عن هوى دارها المرشح ؟ بتروح بالمزبله وخلاص الله يكرم القرآن
المفروض ينزل قرار من البلديه بشكل عام يمنع اي مرشح انه يحط ايات قرآنيه على لوحته
هذا من رايي الشخصي
Posted by Q8Lioness ::
١٢:٤٥ م ::
3 comments
Post / Read Comments
---------------oOo---------------
