الأربعاء، مايو ٢٤، ٢٠٠٦
انا قييييييييييت .. انا نورت الانترنيييييييت
اذكر ضحكاتنا ومغامراتنا و شطانتنا اللي لاتحتمل
من المواقف اللي تخليني اضحك حيييل اني وياها كنا نتخيل نفسنا في عالم الرسوم المتحركه ومتأثرين حدنا أب سالي وفلونه
مره من المرات قلنا نبي نسوي فطيره تفاح (نسمع عنها وايد بالبابايات وبصراحه شكلها كان يشهي عكس الواقع ) وقصصنا التفاح ورصيناه بصحن وحطينا عبايه امي اليديده يعني مفرش انيق لوووووووول ووزعنا الشوك والسجاجين وطبق التفاح بالنص وطبعا قبل الاكل كنا نتمارا بلبس النفانيف المنفوشه حركات ياحليلنا :)
والمسكينه امي تقعد على صراخنا وشويه وتنجلط على عبايتها اليديده
ماعليه يما هذي خلفتج لوووول
وموقف غيره اختي المصون كانت بتسوي لامي مفاجأه
راحت صبغت عزكم الله جواتيها
كانت تقولنا يالله بسرعه عشان اذا ردت امي تستانس تلقانا مغيرين جواتيها لوووووول
ياما لعبنا بمكياج أمي وياما لعبنا بأغراضها وكسرنا الكعوبه
فجأأه كبرنااااا
وكبرت مسوؤلياتنا معانا يا الله صج الوقت يركظ
صج صج تذكرت طفولتي مع اختي لمه اتصل ابوي عالبيت ورديت عليه
وقالي قولي لأمج ملجنا لأختج يااااااااالله وقتها ماشالتني الدنيا مع اني حسيت انه الوضع بيكون طبيعي وعادي بس لمه قالي ابوي هالكلام والله خنقتني العبررره ورحت لاختي وقفت جدامها شسوي المج ؟ ولا ابوسج ؟ اخاف اخرب مكياجج لووووووول
يارب اسعدها وبارك لها ووفقها وسخر لها زوجها يارب العالمين وارزقها الذريه الصالحه اللهم امين
**ملاحظه ياحلوين
انا رجعت وان شالله بكون في انتقادات للجميع لحد يزعل مني مقدماً
في امان الله
Posted by Q8Lioness ::
٤:٢٠ م ::
6 comments
Post / Read Comments
---------------oOo---------------
