الدنيا حلوه
الثلاثاء، سبتمبر ٢٦، ٢٠٠٦ اناااااااا رديت

اول شي بقلوكم مبارك عليكم الشهر

وثاني شي اعتذر عن غيابي الغير مقصود
لان كنت بالمستشفى فتره شهر بالتمام والحمدالله رخصوني يوم السبت

فتره جدا تعبت فيها الحمدالله على كل حال
وصج اشكر كل من وقف معاي أولهم الاخو
i live in q8

كان معاي اربع وعشرين ساعه بالمسنجر لان كنت شابكه عالموبايل وماقصر كلامه خفف علي وايد أمور
وطبعا واكيد ما انسا اهلي ورفيجاتي اللي صج الله يعطيهم الصحه والعافيه رايحين رادين علي
وناسه عرفت غلاتي :PpP



اكيد ودكم تعرفون شنو فيني صح ؟؟

من شهر كانت خاصرتي وايد تعورني وطلع فيها مثل تفخه وحاشتني صخونه ومايبيله اكيد على الاميري على طول ونعرف دكتور وعطاني ابره بالوريد مره وحده باليوم قالي ان شاء الله تصيرين اوكي
اخذت الابره لمده 7 ايام وانا كل يوم طاقه ويهي لطوارئ الاميري وسادحيني وحاطيلي هالابره
مايابت نتيجه تذكر
قالي لازم دخول ونسويلج اشاعات وتحاليل :(
لا مستشفى اوف شنو ضاق خلقي مو وقته كلش :(

سلمت أمري لله ودخلت مركز ثنيان الغانم اللي يم الاميري عرفتوه
سولي اشعه تخرع سدحوني على سرير ودخلوني بآله تفتر وطلع صوت خايس وغزوني بعدها ابره تنرررررررفز
احس يطلع هوا حار حتى من بصيلات شعر راسي
اتوقع اسم الاشعه CT
قالوا هذا دمل بس داخلي بعضلات البطن
poor :شالحل يا جماعه ؟
نعطيها بنج موضعي وندخل أبره ونسحبه
نعمممممممممممممممم !!! انا تحليل الدم اتناافض منه هالمره ابرررررره ابخاصرتي بعد موبطني
لالالالالالا انحششششششششششش
قالوا مااااااااافي مالج الا هالشي
يااااااربي شسوي انحاش مايفيد :(
وبعد صراخ من ابوي وامي رضخت للامر الواقع ونزلوني غرفه العمليات الصغرى
لبسوني ذاك الروب الاصفر لونه شقاقي وسدحوني على سرير العمليات
وانا بجيييييييييييييييي وصياح وابوي فوق راسي يهدي فيني
انا بس شفت الابره جاان اقوم
الدكتور بما انه اجنبي قالي ماراح اسويها لج اذا انتي مو موافقه اووه انا ستانست مابغيتها من الله قلت اي اي مو موافقه ردوني
ابوي زعل علي :وامي زعلت :\\\وكل من ياني قالي ليش حرام افتكي
قالولي خلاص نعيدها لج يوم السبت
وانا قاعده على اعصابي :(
وصل اليوم الموعود قالولي لا خلاص بنسويلج اشعه قبل يمكن راحت قلت على خيرت الله
عادوا الاشعه وليتهم ماعادوها
لقوه نفس ماهو وكبران شي بسيط
بنفس اليوم صخنتتتتت ونفااضه وحالتي حاله
قالوا لا محاله الاحد رضيتي ولاقعدتي
استسلمت للامر الواقع ومابقا دعاء ماقلته
مابقا سبه ماسبيتها للدكتور بس اشوه اجنبي مافهمني لوول
بسسسسسسس للااسف هالمره ماحطلي ابره
حطلي بربيش تيوب عشان ينزل الصديد لانه عزكم الله الصديد جامد يابس
والله وايد تعبت ومادري شلون ثبت نفسي بطاوله العمليات
ولمه بدوا العمليه قالوا لابوي مايصير تكون بالغرفه قعدت بروحي :(((((
والله صج صج صج السالفه تعور وتذبح بعد :بس الحمدالله عدت على خييييير
ويوم شالو التيوب حزتها اسفهليت وقمت اضحك معاهم حتى الدكتور يقولي ماضحكتي الا يوم شلنااه
انت شرايييييك يا الكمخه شلون بضحك وانا اتألم :
بوريكم صوره التيوب صورته بلحظه انا اعتبر نفسي فيها فوق النخل لوووول كنت ماخذه بين كيلر بالوريد وطبعا كلكم تعرفون من شنو يتكون ؟؟

P.S

الصوره مو عارفه انزلها مادري شفيها تنحت ؟

Posted by Q8Lioness :: ٥:١٢ ص :: 25 comments

Post / Read Comments

---------------oOo---------------